Plantun de Prouvènço

Pèr coumpara dos planto d'encò nostre

Parietaria officinalis & Dianthus armeria

Parietaria officinalis

Urticaceae

Nom en français : Pariétaire officinale.

Descripcioun :
Aquesto espargoulo, Parietaria officinalis, que trachis souto li bos proche d'aigo (ripilsivo) es estado de tèms counfoundudo emé l'espargoulo que vèn dins li paret, l'erbo-de-paret, Parietaria judaica. Pamens èi bèn mai grando dins tóuti si partido, majamen si fueio proun longo e acabado pèr un tros fin. Coumpara emé l'espargoulo que ié sèmblo.

Usanço :
Estènt mai raro, sèmblo pas que siegue estado utilisado en Prouvènço au contro de Parietaria judaica que devrié pourta soun noum. Pamens a li mémis usanço que sa cousino. De nouta que douno mens d'alergìo.

Port : Grando erbo
Taio : 40 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Parietaria
Famiho : Urticaceae

Ordre : Rosales

Coulour de la flour : Blanco
Petalo : 5
Ø (o loungour) flour : 0,5 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Ribiero - Bos umide
Estànci : Coulinen à Mountagnard
Couroulougi : Éurasiatico
Ref. sc. : Parietaria officinalis L., 1753

Giróuflado(-à-bouquet)

Dianthus armeria

Caryophyllaceae

Noms en français : Oeillet arméria, Oeillet velu.

Descripcioun :
La girouflado-à-bouquet, qu'èi coumuno soulamen dins la Prouvènço séusouso, trachis sus li tepiero un pau umido e li sablas. La planto èi pelouso, ramificado en aut e acabado pèr uno enflourejado de 2 à 8 flour. Aquéli se recounèisson eisa emé si petalo roso à poupro, tacado de blanc e descoupado. Li bratèio pounchudo soun mai longo que li sepalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Jun à avoust

Liò : Tepiero umido - Sablo - Terraire safrous
Estànci : Termoumediterran à Coulinen
Couroulougi : Éurosiberiano
Ref. sc. : Dianthus armeria L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Parietaria officinalis & Dianthus armeria

ges

Coumpara Espargoulo(-de-bos) emé uno autro planto

Coumpara Giróuflado(-à-bouquet) emé uno autro planto